ஜெ.ஜெ சில குறிப்புகள் - 3

நான் பொதுவாக 50+களிடம் அதிகம் உரையாடுவதில்லை,

அவர்கள் பேசுவது எனக்கு பிடிக்காது அல்லது நான் பேசுவது அவர்களுக்கு பிடிக்காது.

சில சமயம் அவர்களிடம் பேசி வேண்டிய கட்டாயத்துக்கு தள்ளப்படுவதுண்டு, குறிப்பாக நண்பகளின் தந்தையர்களுடன் உரையாடும்

துர்பாக்கியம் சிலசமயம் வாய்த்துவிடுகிறது,

சச்சின் பேட்டிங் ஸ்டைலே தனிதான் என்னா சொல்ற

ஆமா ஆமா

கருணாநிதி மாதிரி ஒரு ராஜதந்திரி நல்ல அரசியல் வாதி பார்க்க முடியாது

ஆமா ஆமா

அமெரிக்காலாம் சுத்த வேஸ்ட்டு

ஆமா ஆமா

இப்படி எனக்கு உடன்பாடில்லாத பல விசயங்களுக்கு ஆமாஞ்சாமி சொல்ல நேரிடுவதும் அவர்களுடன் உரையாடலை தவிர்ப்பதற்கு

முக்கிய காரணிதான் என்றாலும்,

ஒரு முறை ரயில் பயணமொன்றில் அரை மணி நேரத்துக்கு முன் ஸ்நேகிதமான அரைகிழவரிடம் ஒரு வாக்குவாதம் ஏற்பட்டு உயிரிழப்பு

ஏற்படும் நிலைக்கு சென்றதிலிருந்தே இந்த 50+ கட்டுப்பாடு.

(என்னுடன் உரையாடி அந்த 50+ அசோகமித்ரன் போல ஆஜானுபாகுவாக இருந்தார்)

இந்த முறை நான் மாட்டிக்கொண்டது நண்பனின் ரிட்டயர்ட் ஆசிரியருடன்,

அசோகமித்திரன் அளவிற்கு இல்லாமல் என் உருவத்தை ஒத்திருந்ததால் இந்த முறை சிக்கல் எனக்கே அதிகம் என்ற

உள்ளுணர்வின் காரணமாக ஆமாஞ்சாமி சொல்ல தயாராக்கி கொண்ட்டேன்,

தன்னை பார்க்க வந்த தந்தையை என்னிடம் கோர்த்துவிட்டு நண்பர் விட்டு சென்ற காரணம் எனக்கு தாமதமாகத்தான் புரிந்தது,

ஒரு தெலுங்கு பொண்ணு சாட்டில் உனக்கு வைட்டமின் கம்மியா என்று அடிக்கடி கேட்பதன் காரணம் இதுதான் என்று நினைக்கிறேன்,

தம்பிக்கு என்ன வயசு

பிப்ரவரி வந்தா 26...

என்னா படிச்சிருக்கிங்க

எஞ்சினியரிங் (டிப்ளோமாதான் இவரு என்ன கோர்டல கேசாப்போடப்போறாருனுதான் எஞ்சனியரிங்)

கல்யாணம் ஆகிடுச்சா

இன்னும் இல்லை

இதான் தம்பி சாரியான வயசு கல்யாணம் பண்ணிடுங்க ( அவ்வ்வ்)

இப்ப கல்யாணாம் பண்ணாதான் ஒரிரண்டு வருசம் களிச்சி குழந்தை பெத்துக்கலாம்,

ஒரு 29வயசுக குழந்தை பிறந்தா 58 வயசுலே ரிட்டயர்ட் ஆகிறப்ப்போ பையன்

பொறுப்பான இடத்திற்கு வந்திடுவான் புரியுதுங்களா தம்பி....

ஆமா ஆமா

கல்யாணமானவங்களுக்குள்ளே சண்டை வரதுக்குக்கு காரணம் என்னனு தெரியுமா தம்பி

ஆமா ஆமா.... ச்சே சொல்லுங்க சொல்லுங்க...

சாப்பாடுதான்,

ஓஹ்.

தமிழர்களோட பெரும்பிரச்சனயே சோறுதான், எந்த ஊருக்கு போனாலும் தமிழனை சோறு போட்டு திருப்திபடுத்தமுடியாது.

ஆமா ஆமா

நல்லா சமைசானா பாராட்டனும். நல்லா இல்லையா திட்டக்கூடாது. நான் உதவுறேன்னு கூட மாட இருந்து

ஹெல்ப் பண்ணனும் என்ன சொல்றிங்க.

ரிப்பீட்டு,,,,

தம்பி நீங்க என்ன ஆளுங்க,,,,,

50+களிடம் பேசாமலிருப்பதற்கு இன்னொருகாரணமும் உண்டு, கொஞ்சமும் தயங்காமல் எதைஎதையோ பேசிட்டு எதிர்பாரா நேரத்தில்

சாதி பெயரை கேட்டு விடுவார்கள். இதற்கு முன்பே பேசும் போது தானொரு திமுக அனுதாபி என்பதை காட்டிக்கொண்டதோடு நிறைய புத்தகங்கள் வேறு படிப்பதாக சொன்னார்.

சிக்கிரன் படிப்பிங்களா என்றதும் பகீரென்றது, எது சித்தியானந்தா பத்தி எழுதுவாங்களே அவுங்களா என்று கேட்டு தெளிவு பெற்றேன், ஆமாம் அந்த பத்திரிக்கையேதான்,

திடிரென்று என்ன ஆளுங்க என்று கேட்டவர் நீங்க வெள்ளாளக்கவுண்டரா என்று நேரடியாகெவே கேட்டுவிட்டார்,

அவரை பொறுத்தவரை வெள்ளையாகவும் மீசையும் அதுவும் வேல் படத்து சூரியா ஆஜானுபாகுவாய் அம்சமாய் அழகாய் மீசையை முறுக்கி விட்டிருந்தால் வெள்ளாளகவுண்டர்.

இல்லை இல்லை

சரவணன் சொன்னானே நம்ம சாதி பய ஒருத்தனும் எங்கூடதான் இருக்கானு சொன்னானே,

அது நீ இல்லையா,,,,,,

ம்கூம் அது நான் இல்லை

பின் குறிப்பு:

இதை போஸ்ட் செய்யும் திருமங்கலம் பொண்ணு இதை படித்துவிட்டாள். இது என்ன மூன்று வருடம் முன் எழுதியதா என்று கேட்டாள்.

பின் குறிப்பின் பின் குறிப்பு:

எதையாவது எழுதிட்டு பின் குறிப்பு எழுதுவதுதான் பின்நவீனத்துவமா என்று கோவில்பட்டி பொண்ணு கேட்ட கேள்விக்கு என்ன பதில் சொல்வது என்று தெரியவில்லை.

-- சேரமான் வில்லன் என்ற நூலில் இருந்து---

ஜெ.ஜெ சில குறிப்புகள்

மீண்டும் வரலாறு காணாத வெயிலை பதிவு செய்கிறது சூரியன்.

ஒவ்வொரு முறையும் வரலாறு படைப்பதில் சூரியன் ஒரு சூப்பர் ஸ்டார், சச்சின்.

கோடையினால் எனக்கு தெரிந்த பலன்கள் கோடைவிடுமுறை (படிக்கும் காலத்தில் மட்டும்ம்ம்), மாம்பழம் மற்றும் கோசாபழம் என்கிற தர்பூசணி.

சாதாரண நாட்களில் மாதம் ஒரு பாடி ஸ்ப்ரே என்றால் கோடையில் மாதமிருமுறை. பக்கத்து அறை பாலாஜியும் பயன்படுத்தினால்

மாதம் மூன்றாகித்தொலைகிறது. பத்துவகையான தோல் வியாதிகளில் இருந்து காக்கும் குளியல் சோப்பு கோடையில் வாரம் ஒன்று தேவைபடுகிறது.

குளிர்காலங்களில் வாரயிறுதி நாட்கள் விடுமுறை என்பதாலும், வாரநாட்களில் ஒருநாளாவது எப்படியும் எழுவதற்கு தாமதமாகும் என்பதாலும் மாதம் ஒன்றுதான்.

சலவைக்கு போடப்படும் துணிகளிலும் இந்த நாட்கணக்கு வேறுபாடு நிகழவே செய்கிறது. கோடையில் பாடிஸ்ப்ரே, பெர்ப்யூம் என

உபயோகித்தாலும் ஒரு சட்டையை ஒரு நாளுக்கு மேல் உபயோகிப்பது கடினம். மீறினால் அலுவலக மக்கள் தீண்டாமை கடைபிடிக்க நேரிடலாம்.

வெயிலில் அலைவதால் வேர்க்குரு முதலான (என்னதான் ஹமாம் இருந்தாலும்) ஸ்கின் டிசிஸ் ஏற்படலாம், அதற்காக டெர்மி கூல், ஷவர் டூ ஷவர், லேட்டஸ்ட் நவரத்தனா கூல் கூல் என வாங்கிக்த்தொலைப்பது கட்டாயமாகிடுவிடும்.

அவற்றை தவிர்ப்பதற்காக விடுமுறை நாட்களை அறையிலே இருந்து களிக்க நினைத்தாலும் மதிய நேரத்தில் மின்சாரம் துண்டிப்பதால் ஏற்படும் நீராவி குளியலை தவிர்ப்பதற்காகவே அருகில் இருக்கும் எதாவது திரையரங்கிற்கு பிடித்த பிடிக்காத படம் செல்ல நேரிடுகிறது.

சென்ற வாரத்தில் ஒருநாள் தவிர்க்க முடியாத காரணத்தினால் வெயிலில் செல்ல நேரிட்ட்டது.

அடுத்தநாள் காலை தூக்கத்திலிருந்து எழுந்ததும் எதோ தவறு நடந்திருப்பது போல் உள்மனது சொன்னது, செல்போன், லாப்டாப், பர்ஸ் அனைத்துமிருந்தது.

அப்படியும் சம்திங் ராங் என்றபடியே இருந்தது மனது.

எதேச்சையாக கண்ணாடியை எட்டி பார்த்ததும் திடுக்கிட்டேன்.

கண்ணாடியில் வேறு யாரோ தெரிந்தார்கள், தூக்க கலக்கத்தில் பார்த்தது கண்ணாடியா இல்லை ஜன்னலா என்று சந்தேகம் ஏற்பட்டதால் மீண்டும் கண்ணாடியை நோக்கினேன். கண்ணாடியில் தெரிந்த பிம்பம் சிற்சில மாற்றங்களுடன் என்னை போலத்தான் இருந்தது.

அதே கண், அதே காது, மூக்கு, நெற்றி என எல்லாம் சரியாகத்தானிருந்தது, மேல் உதடுமட்டும் ஒருபக்கமாய் நெல்லிக்காய் சைசில் வீங்கிருந்தது.

பக்கத்து அறை தோழன் எதாவது பூச்சிகடிச்சியிருக்கும் டிடி போடனும் என ப்ரிஸ்க்ரிப்சன் சொல்லிக்கொண்டிருந்தான்.

அடுத்தவன் பல்லி உச்சா போயிருக்கும் என்று வெறுப்பேற்றினான். வேறொருவன் இரட்டையர்த்ததில் கடுப்பேற்றினான்.

மேலும் ஒருவன் குண்டூசியில் குத்தினா எல்லாம் சரியா போகும் என்றான், அடுத்தவன் செப்டிக் ஆகும் என பயமுறுத்தினான்.

மூன்று நாட்களில் அது காணாமல் போனாலும் அந்த மூன்று நாட்களில்தான் அவலட்சணம் என்பது புரிந்தது.

பேருந்துல் நெருக்கி நிற்பவர்கள் கூட ஒதுங்கியே நின்றார்கள். அவர்கள் மேல்படும் பயமாக இருந்திருக்கலாம். அல்லது க்ளோஸப் ஷாட்டில் ரசிக்க என் உதடு ஒன்றும் ஏஞ்சலினா ஜூலியில்லை என் நினைத்திருக்கலாம்.

கழுத்தில் tag மாட்டியிருந்த மென்பொருளாசாமி பேருந்தில் என்னிருக்கை அருகில் உட்கார நின்றுகொண்டே பயணித்தார்.

இத்தனைக்கும் பாடிஸ்ப்ரே தெளித்துதான் வந்திருந்தேன்.

முன்னிருக்கையில் அமர்ந்திருந்த ஐஸ்வர்யா ராய் ஒன்று உதடு மூடமுடியாதபடி இருக்கும் என்னை கண்டு அவள் கொரித்துக்கொண்டிருந்த பதார்த்த பொட்டியை மூடிவைத்தார். நான் பங்கு கேட்பேன் என நினைதாரோ என்னவோ. இன்னொரு தப்ஸி அவர் உண்டுகொண்டிருந்த மிக்ஸ்டு ப்ரூட்டை விழுங்க முடியாமல் ஜன்னலோரமாய் வெளியேற்றினார்.

இன்னொரு சாப்ட்வேர் அஜித்குமார் எனக்கு பின்னால் நின்றவரிடம் பத்து ரூபாய் நீட்டி நந்தம்பாக்கம் ஒன்று என்றார்.

மனிதம் செத்துவிட்டது என்படியே வலப்பக்கத்து ஜன்னலோரமாக வேடிக்கைபார்த்தபடியே பயணிக்கையில் யாரோ ஒருவர் என்னருகில் வந்தமர்ந்தார். திரும்பினால் ஆசாமி எழுந்துவிடலாம் என்பதால் தலையை திருப்புதலை தவிர்த்தேன்.

நான் இறங்கும் நிறுத்தம் வந்து எழுந்த போதுதான் கவனித்தேன். அந்த ஆசாமியின் புருவங்களை காணவில்லை. தழும்புதான் இருந்தது, அய்யோ மூக்கு ஏன் இப்ப்டி உள்வாங்கியிருக்கிறது. உதடு ஏன் பிளந்துபோனது, May Be fire Accident!!

இறங்கிய பின்னும் குமட்டிக்கொண்டு வந்தது...................

(சேரமான் வில்லன் புத்தகத்திலிருந்து)

ஜெ.ஜெ சில குறிப்புகள்

சுவரொட்டியை கண்டுபிடித்தவர்கள் யார்? எந்த வருடமாக இருக்கும் என்ற வரலாற்றையெல்லாம் ஆராய விருப்பமில்லையெனிலும் சுவரொட்டிகளையும் சுவரொட்டிகளில் வீற்றிருப்போரையும் ஆராய்வது இயல்பாகிப்போனது.

தமிழகத்தில் மட்டும்தான் இந்த சுவரொட்டி கலாசாரம் இருக்கவேண்டும் என்பது எனது அசைக்கமுடியாத நம்பிக்கை.

ஒருசில தனியார் மற்றும் விஐபி வீட்டு சுவர்களைத்தவிர பெரும்பாலான சுவர்களை இந்த சுவரொட்டிகள் இடம்பிடித்துவிடுகின்றன.

ஆரம்பக்காலங்களில் சுவாரஸ்யமானவை பட சுவரொட்டிகள். ரஜினிகாந்த், விஜயகாந்த் சுவரொட்டிகளை ரசிக்கும் வயதை தாண்டியதும் ஆங்கில எழுத்தின் முதல் எழுத்தும் அதைச்சுற்றி ஒரு வட்டமுமிட்ட சுவரொட்டிகள் அந்தப்பருவத்தில் கிளர்ச்சியையும் சுவாரஸ்யத்தையும் கொடுத்தன.

ஒரு சில படங்களுக்கு சென்று வந்ததும், சுவரொட்டிகளுக்கு பின் என்ன என்பதையும் அறியமுடிந்ததாலோ என்னவோ அந்த சுவரொட்டிகளும் சுவாரஸ்யத்தை இழந்துவிட்டன.

பெரும்பாலும் தேர்தல் காலங்களில் எதிர்கட்சியினரின் ஊழல்களை பாரீர், எங்களின் சாதனைகளை பாரீர் வகையறா சுவரொட்டிகளையும், வெற்றிகரமாக இரண்டாவது நாள் சினிமா சுவரொட்டிகளையும் விட தனி நபர்களின் சுவரொட்டிகள் தற்காலத்தில் சுவாரஸ்யமானவை.

பிறந்தநாள் கொண்டாட்ட சுவரொட்டிகளை காணும் போது அந்த நபர் தனது பிறந்தநாளுக்கு என்ன செய்திருப்பார், நண்பர்களுடன் இரவு விருந்துண்டிருப்பாரா அல்லது ஏதேனும் அமைப்பிற்கு நிதி உதவி அல்லது அன்னதான உதவியேதும் செய்திருப்பாரா என்று கற்பனைகள் ஓடும்.

அஞ்சா நெஞ்சன், ரத்தீஷ், கார்த்திக் சிதம்பரம் வகையறாக்கள் பொதுமக்கள் வகையில் சேரமாட்டார்கள் என்ற போதும் அவர்களை சுதிபாடி எழுதப்படும் வாசகங்களும் சுவாரஸ்யமானவையே.

நாடோடிகள் படத்தில் சொல்லப்படுவதைப்போல அந்த சுவரொட்டி மற்றும் ப்ளெக்ஸ் டிசைன் செய்ய கண்டிப்பாக 5 பேர் கொண்ட குழு இருக்கும் என்றுதான் தோன்றும்.

இன்னாரின் மகளாகிய டேஷ் டேஷ் பெண்ணிற்கு ஒரு நாளைகுறிப்பிட்டு இந்த நாளில் மஞ்சள் நீராட்டு விழா என்ற சுவரொட்டிகள் முதல் மரணச்செய்திகளை தெரிவிக்கும் சுவரொட்டிகள் வரை பல பல சுவரொட்டிகள் தினம் தினம் கண்ணில் தென்படுவது வாடிக்கையாகி விட்டன.

இதில் சுவாரஸ்யமானது என்ற சாடிசத்தை விட அவர்கள் என்ன ஆனார்கள் ஆகியிருப்பார்கள் என யோசிக்க வைப்பவைகளாக மரண சுவரொட்டிகள் இடம்பெறுகின்றன.

ஆட்டோ டிரைவர்கள் ஓட்டியிருந்த சுவரொட்டியில் இடம்பெற்ற 1959ல் பிறந்து 2011ல் இறந்த 52 வயதான ஆட்டோ டிரைவர் செல்லமுத்துவின் மறைவால் வாடும் அவர்களது
குடும்பத்தினரான முத்தம்மாள், அவர்களது இரண்டு பெண் குழந்தைகளான ரேவதி, சங்கரி இந்த மூவரின் நிலைமை என்னவாக இருந்திருக்கும்.

அந்த பெண்களுக்கு என்ன வயதிருந்திருக்கும், அவர்கள் படித்திருப்பார்களா, சொத்து இருந்திருக்குமா, ஆட்டோ ஓட்டிகளுக்கு என்ன பெரிய சொத்து இருந்திருக்க முடியும்.

அந்த முத்தம்மாவால் இருவருக்கும் திருமணம் செய்து தர முடியுமா, அந்த குடும்பம் இது போன்ற அகாலமரணம் ஏற்படும் என முன்னரே அறிந்து அதை சந்திக்கும் துணிவிருப்பவர்களாக இருப்பார்களா இல்லையா என பல கேள்விகள் பார்த்த அந்த நிமிடங்களில் ஓடும்…

சென்ற வாரம் மறைந்த ராஜ்குமாருக்கு அதில் இடம்பெற்ற பிறப்பு இறப்பு வருடங்களை வைத்து கணக்கிட்டால் வயது 32 தான்.

நல்ல வேளை அவரது பிரிவால் வாடும் அவரது மனைவிக்கு ஒரே ஒரு பெண் குழந்தைதான். மற்றொன்று ஆண். அந்த குழந்தைகளுக்கு மிஞ்சிப்போனால் 10வயதாகி இருக்கலாம்,
அவர்களுக்கு தந்தையின் மரணம் எத்தகைய பாதிப்பை ஏற்படுத்தும்.

அவரது தந்தை அன்பானவராக அக்குழந்தைகளிடம் இருந்திருப்பாரா அல்லது ஒரு பிடிவாதமான கண்டிப்பான தந்தையாக இருந்திருப்பாரா.

அன்பை இழந்த அக்குழந்தைகளின் மனநிலை அல்லது கண்டிப்பான தந்தை இனி இல்லை என்ற மனநிலை அல்லது இவற்றைத்தாண்டிய \மனநிலையை அக்குழந்தைகள் இந்த வயதில் எப்படி சமாளிப்பார்கள்.

32 வயதானவரின் மனைவிக்கு அதிகபட்சமாக 30 இருக்கலாம். அந்த இளம் கைம்பெண்ணின் நிலை என்னவாக ஆகும். அவ்விரு குழந்தைகளையும் அவளால் சமாளிக்கும் பக்குவம் பெற்றவளாக இருப்பாளா? சுவரொட்டி அக்குடும்பத்தினரால் இறந்தவரின் தந்தையரால் ஒட்டப்பட்டதாக அதிலிருந்த குறிப்பு சொல்வதால் நிச்சயம் பண தட்டுப்பாடு உள்ளக்குடும்பமாக அது இருக்காது என்பது ஒரு வகையில் ஆறுதலாக இருந்தாலும், 30 வயது இளம் கைம்பெண்ணின் நிலை அடுத்து என்ன?

இரண்டாம் திருமணம் செய்வாளா? அதை அக்குழந்தைகள் எப்படி எடுத்துக்கொள்ளும்? அவர்களுக்கு அது புரியுமா? இரண்டாம் திருமணத்திற்கு ஏற்ற அங்க லட்சணம் இல்லாதவளாக இருந்தால்?
சொத்துபத்து அவள் பேரில் இல்லாமலிருந்தால்?

இனி அந்த பெண்ணின் நிலை என்ன? இயற்கையான செக்சுவல் எண்ணங்களை எப்படி கட்டுப்படுத்துவாள்? இரண்டாவது திருமணம் என்ற குறைந்தபட்சம் சமூதாயத்தால் அங்கீகரிக்கப்பட்டவைகளுக்கும் வக்கில்லாதவளாக இருந்தால் எப்படி கட்டுப்படுத்துவாள்?

வேறு வழி காண்பாளோ? அது அவள் குழந்தைகளை பாதிக்குமா? ஒரு வேளை கணவரின் தந்தையால் அது கண்டறியப்பட்டு வீட்டைவிட்டு வெளியேற்றப்படுவாளா, தனது நோக்கத்திற்கு இடைஞ்சல் என கருதி அவரை கொலை செய்ய முற்படுவாளா?

ஒரு ஆணிடன் தொடர்பு ஏற்படுமேயேனால் அதை அக்குழந்தைகள் உணரும் வயதை அடையும் போது என்ன நினைப்பாள்? அவளின் பெண் குழந்தையின் எதிர்காலம் இதனால் பாதிக்கப்படுமா அல்லது கட்டுப்படுத்தி கட்டுப்படுத்தி ஒரு வித மனநிலையால் பீடிக்கப்பட்டு தனது வருங்கால மருமகளை கொடுமைப்படுத்தும் மாமியாராக மாறூவாளா?

இதையெல்லாவற்றையும் விட தற்கொலை செய்து கொள்வாளா என பல பல கேள்விகள் எழுந்தாலும் எல்லாவற்றையும் சென்னை சூப்பர் கிங்ஸின் வெற்றி மறக்கடித்துவிடுகிறது.

(சேரமான் வில்லன் நூலின் 745ம் பக்கத்திலிருந்து)